Love Diary

ସପ୍ତମ ଶ୍ରେଣୀ ଯାଏଁ ମୁଁ ବହୁତ ଶାନ୍ତ ଶିଷ୍ଟ ଥିଲି । ମୋତେ ଶ୍ରେଣୀରେ ମନିଟର ବଛା ହୁଏ । କିନ୍ତୁ ଜୀବନରେ ନୂଆ ମୋଡ଼ ଆସିଲା ଯେତେବେଳେ ମୁଁ ଅଷ୍ଟମ ଶ୍ରେଣୀରେ ପାଦ ଦେଲି ଆଉ ମନିଟର ଥିଲା ଜଣେ ଗହମ ରଙ୍ଗର ଝିଅଟେ ।
ତା ଆଖି କରା ଆଖି । ଗୋରା ଦେହରେ କଳା ବିନ୍ଦି । ଧଳା ଆଉ ନୀଳ ରଙ୍ଗର ୟୁନିଫର୍ମରେ ସେ ପରୀ ପରି ଲାଗେ । ଆଉ ତା’ ବେଣୀ ଶେଷରେ ଯେଉଁ ନାଲି ରଙ୍ଗର ରିବନ ଝୁଲୁଥାଏ….ଇସ୍ । ମନେ ପଡିଲେ ଏବେ ବି ମନ କୁତୁ କୁତୁ ହୋଇଯାଉଛି ।

କେଜାଣି ସେ ମୋତେ ଭଲ ପାଉଥିଲା ନା ନାହିଁ …. ସାମ୍ନାରେ ଛିଡା ହୋଇ ମୋତେ ଅନାଉ ଥାଏ । ଦିନ ତମାମ …
ଥରେ ମୁଁ ପଚାରି ଦେଲି ,’ମୋତେ କାହିଁକି ଏତେ ଶରଧାରେ ଅନାଉଛ ?’
– ‘କାରଣ ତୁମେ ଏ ଶ୍ରେଣୀର ସବୁଠାରୁ ଦୁଷ୍ଟ ପିଲା ‘

ମୁଁ କାନ ଆଉଁସି ବସି ପଡ଼ିଲି । ପ୍ରେମ ଫ୍ରେମ କିଛି ନାହିଁ ବୋଲି ମନକୁ ବୁଝାଇ ଦେଲି । ଅବଶ୍ୟ ମୋ ଦୁଷ୍ଟାମୀ ଦୁଇ ଗୁଣା ଅଧିକ ହୋଇଗଲା । ସେ କାଳେ ମୋତେ ଅନେଇ ଅନେଇ ପ୍ରେମରେ ପଡିଯିବ !

ଗୋଟାଏ ବେଳେ ସ୍କୁଲରେ ରିସେସ । ତା’ ବେଣୀ ଖୋଲି ଚୁଟି ପ୍ରସାରି ଦିଏ କିଛି ସମୟ । କଣେଇ କଣେଇ ଚାହେଁ ମୋତେ । ମୋ ଠାରୁ ପାଣି ଆଉ କାକରା ପିଠା ଉଧାର ନେଇଯାଏ । କେବେ କେବେ ମୋତେ ଖୁଆଇ ବି ଦେଇଛି ନିଜ ହାତରେ ।
କିନ୍ତୁ ସବୁଠାରୁ ମଜା ଲାଗେ ତା’ ମାଡ ଖୁଆଇବା ।ଦିନକୁ ଅନ୍ତତଃ ଥରେ ସେ ମୋ ନାଁ ଲେଖେ କଳାପଟାରେ । ମୁଁ ଶୁଣିଚି ତା ସାଙ୍ଗମାନଙ୍କଠାରୁ ମୋ ନାଁ ଲେଖିଲା ବେଳେ ତା ହାର୍ଟ ବିଟ କାଳେ ବଢିଯାଏ ,ରୋମ ଟାଙ୍କୁରି ଉଠେ ,ଭାରି ମଜା ଲାଗେ ।

*********************
ସମୟ ବଦଳି ଯାଇଥାଏ । ଏବେ ମୁଁ ନବମ ଶ୍ରେଣୀରେ । ମନିଟର ବନି ଛିଡା ହୋଇଥାଏ କଳାପଟା ସାମ୍ନାରେ । ତା ବିନା ଅଧୁରା ଲାଗୁଥାଏ । ଆମ ଦୁହିଁଙ୍କର ଅଲଗା ସେକ୍ସନ।
ଦିନେ ଦେଖା ହେଲା ଖେଳ ଛୁଟିରେ । ମନକଥା ଖୋଲି କହି ଦେଲି । ଆହୁରି ବି କହିଦେଲି ସେ ଖୁଆଉ ଥିବା ମାଡ଼କୁ କେତେ ମିସ୍ କରୁଛି । ମୁହଁ ମୋଡି ଚାଲିଗଲା ସେ । ସାରଙ୍କ ନିକଟରେ ଯାଇ କମ୍ପ୍ଲେନ । ବାପ୍ ରେ ବାପ୍ । ଗୋଟେ ଶକ୍ତ ଚାପୁଡ଼ାଟେ ଆସି ପଡିଗଲା ବାମ ଗାଲରେ ମୋ ପ୍ରିୟ ଶିକ୍ଷକଙ୍କଠାରୁ ।

*************
ସନ୍ଧ୍ୟା ବେଳେ ସେଦିନ ପୁଣି ଦେଖା ହେଲା ଟିଉସନରେ ସାଙ୍ଗ ଗହଳରେ। ନାଲି ରଙ୍ଗର ଚୁଡ଼ିଦାରରେ ସେ ବହୁତ ସୁନ୍ଦର ଲାଗୁଥାଏ । ମିସ୍ ଲାଲ ଟମାଟର୍ ବୋଲି କମେଣ୍ଟ ମାରୁଥାନ୍ତି ସାଙ୍ଗମାନେ । ମୁଁ କିନ୍ତୁ ମୁହଁ ମୋଡି ଦେଲି । ଆଉ ଚାହିଁବିନି ସେ ବାଜେ ଝିଅକୁ !ମନରେ ରାଗ ଫୁଟି ଉଠୁଥାଏ ।

ଟିଉସନ ଛୁଟି ହେଲା । ସମସ୍ତେ ବ୍ୟସ୍ତ ଘରକୁ ଯିବାକୁ । ମୁଁ ବି । ସେ ମୋ ଆଡ଼କୁ ଆସୁଥାଏ । ମୁଁ ଅଣଦେଖା କରି ଛିଡା ହୋଇଥାଏ ବାହାରେ ।
ହଠାତ ଓଦା ଲାଗିଲା ମୋ ଗାଲଟା । ବୁଝିବାକୁ ବେଶି ସମୟ ଲାଗିଲାନି । ଯେତେବେଳେ ଦେଖିଲି ସେ ପଛକୁ ଅନାଉଥାଏ ବାରମ୍ବାର ଆଉ ମୁହଁରେ ଥାଏ ଗୋଟାଏ ଦୁଷ୍ଟ ହସ।

This Post Has 2 Comments

  1. ବହୁତ ଭଲ ଲାଗିଲା ସ୍କୁଲ ବେଳ କଥା ମନେପକାଇ ଦେଲେ।।

    1. ହା ହା ଏମିତି କିଛି ହୋଇଥିଲା କି?

Leave a Reply

Manoj Kishore Nayak

Hitherto known as the "Tissue Paper Poet" and credited many a times with initiating the same genre of poetry I, contemplated of writing this blog where I could inter-alia, endeavour to write my random thoughts and publish that of others. The blog will contain subjects of myriad hues ranging from poetry & travelogues to sundry incidents. Being a 'bookaholic' I would like to tell you about the books I read and the authors I meet across the corners which will quench your thirst for literary entertainment and will impart a certain cachet to your intellectuality. Read More...
Close Menu